ग्रुप ग्रामपंचायत हिव (मु. हिव, पो. अंदाड, ता. शहापूर, जि. ठाणे – पिन ४२१६०१) ही शहापूर तालुक्यातील एक नैसर्गिक, कृषीप्रधान व सुबकपणे विकसित ग्रामपंचायत आहे. हिव हे गाव महाराष्ट्र राज्यातील ठाणे जिल्ह्यात वसलेले असून येथे उन्हाळ्यात उष्ण व दमट, हिवाळ्यात कोरडे व शीतल तर पावसाळ्यात भरपूर पर्जन्यवृष्टी होते. पावसाळ्यात मोठ्या प्रमाणावर पाऊस पडत असल्यामुळे भात हे मुख्य खरीप पीक असून भाजीपाला शेतीही केली जाते.

ग्रुप ग्रामपंचायत हिवची एकूण लोकसंख्या सुमारे १७४४ असून सुमारे ४१२ कुटुंबे येथे वास्तव्यास आहेत. गावातील साक्षरतेचे प्रमाण अंदाजे ९२% आहे. ग्रामपंचायतीचे एकूण क्षेत्रफळ सुमारे १४१३.२८ हेक्टर असून शेती हा येथील प्रमुख व्यवसाय आहे.